Ағымдағы жылдың 13 мамыр күні “Молда Мұса” атындағы жалпы орта мектебінде “Деструктивті діни ағымдар мен ұйымдардың туындауының негізгі шарттары мен факторлары” тақырыбында жоғары сынып оқушылары арасында кездесу өтті.
Кездесуге Сауран ауданы әкімдігінің ішкі саясат бөлімінің “Жастар ресурстық орталығы” КММ-нің теолог маманы Н.Тәжібай, “Қоғамдық келісім” КММ Сауран аудандық филиалының маманы Ж.Өтепбаев, Түркістан облысы дін істері басқармасы “Дін мәселелерін зерттеу орталығы” КММ-нің теолог маманы Б.Абдрахман, мектеп директоры Ш.Ахметова қатысты.
Кездесуді мектеп директоры Ш.Ахметова ашып, келген қонақтарды таныстырды. Кездесу барысында теолог маман Бауыржан Абдрахман дінді дұрыс, жете түсінбеу деструктивті діни ағымдардың жетегіне ерудің алғышарты екенін жеткізді. Сол себепті діннің негізін, рухани дүниесін, шығу тарихын, діни құндылықтарын, ерекшеліктерін зерделеу қажет екенін түсіндірді.
Жиын барысында теолог маман Н.Тәжібай оқушыларға сауалнама жұмыстарын жүргізіп, оқушылардың қойған сұрақтарына жауап берді.