Төлеби ауданы Көксәйек елді мекенінде орналасқан Түркістан көпсалалы – техникалық колледжінде жастардың, студенттердің қатысуымен «Мамандығым-болашағым» тақырыбында ашық есік күні өтті. Жұмысшы мамандықтар жылына орай ұйымдастырылған жиынға аудан әкімінің орынбасары Бағдатбек Жанғазиев қатысып, ҚР Президенті Мемлекет басшысы Қасым –Жомарт Тоқаев халыққа арнаған Жолдауында кәсіптік білім беру саласын реформалау және жұмысшы мамандықтарының беделін арттыру жөніндегі бастамалар Қазақстанның экономикалық және әлеуметтік дамуының маңызды бөлігі болып табылатынын атап өткенін айтты. Жастарды кәсіби білім алып, еңбек нарығында сұранысқа ие мамандық иесі атануға шақырды. Жұмысшы мамандықтарының беделін арттырып, олардың әлеуметтік мәртебесін көтеруге және жастарды колледжде дайындайтын жұмысшы мамандықтарына шақырып, нағыз маман иесі болуға дәріптелген іс-шарада студенттердің мамандығы бойынша дайындаған қол өнер бұйымдары, шығармашылық жұмыстарынан көрме ұйымдастырылды. Колледждің тыныс-тіршілігі туралы ақпараттық бейнебаян көрсетіліп, шеберлік сағатында студенттер алған білімдерін тәжірибе арқылы таныстырды. Кәсіптік бағдар бойынша мектеп оқушылары мен колледж мұғалімдерінің сұхбаттасуы арқылы ой-пікірлерін жеткізді.
Елдің экономикалық дамуы мен әлеуметтік тұрақтылығы ең алдымен еңбек адамдарына, оның ішінде жұмысшы мамандық иелеріне тікелей байланысты. Заманауи қоғамда жоғары білім мен кеңсе жұмысына ерекше мән берілетіні жасырын емес. Алайда нақты өндірісте, ауыл шаруашылығында, құрылыс пен инфрақұрылымда жұмыс істейтін мамандар – ел тірегі, еңбек күші, шын мәнінде, прогрестің іргетасы. Сондықтан жұмысшы мамандықтарды дәріптеу – тек әлеуметтік әділеттілік емес, сондай-ақ мемлекеттің стратегиялық дамуының маңызды бағыты. Жұмысшы мамандықтар – экономиканың нақты секторының қозғаушы күші. Бұл қатарға құрылысшы, дәнекерлеуші, тракторист, электрик, сантехник, слесарь, механик, тігінші және тағы басқа мамандықтар жатады. Оларсыз зауыт пен фабрика жұмыс істемейді, күнделікті тұрмыс қажеттері болмайды, қара жұмыс та істелмейді. Яғни, бұл мамандықтар – өміріміздің тынысын қамтамасыз ететін, көзге көрінбейтін, бірақ ең қажетті салалар
