Сайрам ауданында инновациялық технологияларды қолдана отырып, түйіршіктелген жем өндірісі қолға алынбақ. Аталған жобаның құрылыс жұмыстары «Nurym Group» ЖШС тарапынан биылдан бастап жүзеге асады. Зауытта сағатына 20 тонна түйіршіктелген жем өндірілетін болады.
Сонымен қатар, өндіріс орны жанынан арнайы зертхана мен 20 мың тоннаға дейін мал азығын сақтайтын қойма салу да жоспарланып отыр. Зауыт іске қосылған соң 15-ке жуық жаңа жұмыс орны ашылады.
Одан бөлек, аудандағы маңызды жобалардың бірі – биыл ет өндейтін зауыт құрылысы басталады. Онда күніне 1 000 бас ірі қара мал сойылады. Бұл зауыттың ерекшелігі – қасапханалардағы шикізат қалдықтарын терең өндейтін орын қарастырылған. Малдың қаны мен сүйегін, ішек-қарнын, терісін өңдейтін жоба 2025 жылы іске асырылады деп жоспарланып отыр. Жоба аясында 70 адам жұмыспен қамтылмақ.
