Мемлекет басшысы Қасым-Жомарт Тоқаевтың Әділетті Қазақстанды құру бастамасы бойынша Түркістан облысында ауқымды жұмыс атқарылуда. Бұл туралы Орталық коммуникациялар қызметінің алаңында облыстың әлеуметтік-экономикалық дамуы туралы есеп беру барысында Түркістан облысының әкімі Дархан Сатыбалды мәлім етті.
«Әділетті Қазақстанды құрудағы игі істерге барша қазақстандықтар белсене атсалысқанда ғана біз ортақ мүддеге қол жеткізе аламыз. Мемлекет басшысының «Халық үніне құлақ асатын мемлекет» тұжырымдамасы аясында әкімдердің халықпен кездесулері жаңа форматта өтіп жатыр. Биыл 10 ай бойы барлық деңгейдегі әкімдер тарапынан елмен жалпы кездесулер ұйымдастырылып, 6578 мәселе көтерілді. Оның ішінде инфрақұрылыммен қамтамасыз ету, әлеуметтік мәселелер ең жиі көтерілген сұрақтардың қатарында болды. Бюджеттің мүмкіншілігіне қарай, көтерілген мәселелердің басым көпшілігі өз шешімін тапты немесе 89,2% шешілген», деді Дархан Сатыбалды.
Еліміздегі саяси реформалардың аясында ауыл тұрғындары екі жылдан бері ауылдық округ әкімін таңдау мүмкіндігіне ие болды. Нәтижесінде Түркістан облысы бойынша 140 ауылдық округ әкімдері сайланды. Сонымен қатар биыл 4 аудан әкімінің сайлауы өтті. Қабылданып жатқан реформалардың барлығы мемлекеттік басқарудағы шешім қабылдау процессіне азаматтардың қатысу мүмкіндігін арттырып отыр.
«Мәслихатқа 30 жыл» атты облыстық суретшілер байқауы басталды
Биыл Қазақстан Мәслихаттарына - 30 жыл! Осыған орай Түркістан облысы мәслихатының «Мәслихатқа 30 жыл» атты облыстық кәсіби және кәсіби емес...