Жиналысқа аудандық партия филиалының төрағасы, Саяси кеңес мүшесі С.Асылбеков, аудандық мәслихаттың VII (7) шақырылымындағы депутаты болған мәслихат төрағасы, саяси кеңес мүшесі М.Күнпейісов, Ескі Иқан бастауыш партия ұйымының төрағасы З.Чалданов қатысты.
Жиналысты Ескі Иқан бастауыш партия ұйымының төрағасы З.Чалданов ашып, жүргізіп отырды. Күн тәртібінде екі мәселе қаралды.
1) Аудандық мәслихаттың VII(7) шақырылымындағы депутаттардың есебін тыңдау.
2) Аудандық конференцияға делегат сайлау.
Күн тәртібіндегі бірінші мәселе бойынша аудандық мәслихаттың VII(7) шақырылым депутаты болған мәслихат төрағасы, саяси кеңес мүшесі М. Күнпейсов VII(7) шақырылымдағы депутаттардың атқарылған жұмыстары бойынша есебін берді. Жиналыс барысында аудандық мәслихат депутаттарының мәслихат сессияларында көтерілген ұсыныс пікірлері жинақталып, аудандық мәслихат депутаттары тарапынан жыл басынан 12 депутаттық сауалдар жолданған. Оның ішінде:
1) Депутат А.Сауранбекованың Жаңа Иқан ауылдық округіндегі 1500 га жерді суармалы сумен қамтамасыз ету үшін «Иқан су» өзенінде су қоймасын салу туралы;
2) Депутат А.Асаевтың Жүйнек ауылдық округіндегі «Шекербұлақ» суының мәселесін және «Қарсақты» арығы арнасындағы кедергілерді заңға сәйкес реттеу туралы;
3) Депутат Т.Садуовтың Үшқайық ауылдық округі, С.Қожанов ауылының тұрғыны М.Бейсенованың мүгедектігі бар баласын оңалту шараларынан өткізу туралы;
4) Депутат Т.Садуовтың Бабайқорған ауылдық округі, Абай елді мекенінің тұрғындарымен өткізілген көшпелі қоғамдық қабылдау барысында айтылған ұсыныстарды шешу туралы;
5) Депутат Т.Садуовтың Майдантал ауылдық округінің тұрғындарымен өткізілген көшпелі қоғамдық қабылдау барысында айтылған ұсыныстарды шешу туралы;
6) Депутат Т.Садуовтың Бабайқорған ауылдық округіне қарасты Абай елді мекенінде және Майдантал ауылдық округінде спорттық кешен салу туралы;
7 ) Депутат А.Шалданбаевтың «Самара-Шымкент» автомобиль тас жолының бойында орналасқан ауылдық округ, елді мекен тұрғындарына ақылы жолдан алынатын алымды алып тастап, тек транзиттік автокөліктерге ақылы жол жасау туралы;
8)Депутат М.Абишеваның Шаға ауылдық округіндегі ұялы байланыстың және Интернет желісінің нашарлығы туралы;
9) Депутат М.Күнпейсовтың Шорнақ ауылдық округі, Аша елді мекеніндегі темір жол тұсынан жер асты немесе жер үсті арнайы өткелдің құрылысын салу туралы;
10) Депутат М.Күнпейсовтың Қазақстан Республикасы Парламенті Мәжілісінің депутаты Қ.Абасовқа – Ескі Сауран елді мекеніне «Самара-Шымкент» автомобиль жолынан бұрылыс ашу, Шорнақ ауылдық округіндегі жол бойынан мал айдау өткелін қарастыру және Аша елді мекеніндегі темір жол тұсынан жер асты немесе жер үсті арнайы өткелдің құрылысын салу туралы;
11) Депутат М.Күнпейсовтың Қазақстан Республикасы Парламенті Мәжілісінің депутаты С.Ертаевқа – Ескі Сауран елді мекеніне «Самара-Шымкент» автомобиль жолынан бұрылыс ашу, Шорнақ ауылдық округіндегі жол бойынан мал айдау өткелін қарастыру туралы;
12) Депутат М.Күнпейсовтың Майдантал ауылдық округі тұрғындарымен өткізілген кездесу барысында берілген ұсыныстарды шешу туралы депутаттық сауалдар жолданып, тиісті жауаптары алынды.
Екінші мәселе бойынша бастауыш партия ұйымының төрағасы З.Чалданов аудандық конференцияға делегат сайлау бойынша хабарлама жасады. Жиынға қатысқан БПҰ мұшелері ұсынылған делегаттарды бір ауыздан қолдады. Жиынды қорытындылаған С.Асылбеков партияның сапалық құрамын арттыра отырып жұмыстар жүргізуді, партияның алға қойған мақсаттары мен міндеттерін бірлесе орындауға шақырды және Ескі Иқан бастауыш партия ұйымының мүшелері өткен жылы елдегі болған саяси реформаларда белсенділік танытып, партияның мақсат міндеттерін орындауда жүйелі жұмыс атқарғандары үшін алғысын білдіріп, партияластарымызға сәттілік тіледі.
