Ордабасы ауданында ауыл шаруашылығы дақылдарын зиянкестерден қорғауға бағытталған шара күшейтілген. Осы ретте, аудандағы 25 000 гектар жер зерттеліп, оның 5 300 гектарында химиялық өңдеу қажеттілігі анықталған. Нәтижесінде 4200 гектар жерге химиялық өңдеу жұмыстары жүрді.
Мамандардың айтуынша, Бөржар және Бадам ауылдарында зиянкестер көп шоғырланған. Атқарылған жұмыстарға 8 арнайы техника, 10 дана химиялық препаратты шашатын аспалы бүріккіш құралдар, 30 сала маманы жұмылдырылған. Зиянкес шегірткеге қарсы күрес шараларының тиімділігі мен сапасын арттыру мақсатында дәрілеу жұмыстары әлі де жалғасуда.
