Ол өз жазбасында: «Ағайын! Өз атымдағы 8-соток жерімді бір қазаққа тегін беремін! Шартын дұрыстап оқып алыңыз! Осы жазда ең болмағанда іргетасын қалауға шамасы келетін адам болу керек. Алматы облысы, Талғар ауданы, Нұра ауылында. Үйлер салынып жатыр, балалар оқитын мектебі бар. Саяхат автобекетінен 45-50 минуттық жер. Тек сол жақта болашақта тұратын адамға ғана беремін. Барлық құжатын жасап қойғанмын. Алатын адам құжаттарын заңгердің көзінше тексеріп алса болады. 87017040067 тек ватсапқа жазыңыздар, менің номерім», – деп хабарлама қалдырған.
Оның мұндай ниеті әлеуметтік желі қолданушыларын бей-жай қалдырмады. Қайырымды іс туралы оқығандар таңданыстарын жасыра алмаған. Оқырмандардың бірі жеріңді «неге тегін бермексің» деп сауал қойған. Оған қайырымды жан «Өзімде басқа жер бар. Екіншісі керек емес» деп жауап қатқан. Пікір қалдырғандардың арасында ең болмаса 1000 АҚШ долларына сатсаңшы деп ақыл айтқандар да табылған. Бірақ ол тек тегін беретінін жеткізген. Жалпы жазбаның астына «Алланың нұры жаусын» деп алғыс білдіргендердің саны өте көп.
