Қайбір қоғам болмасын бейбіт заманның орны бөлек. Сол бейбіт заманды орнатуға күш салған ардагерлерді ардақтау бүгінгі ұрпақтың басты міндеті болуы тиіс. Еліміздің әрбір жетістігі кешегі бабалардың төккен тері мен қанының арқасы деп білуіміз керек.
Ата-бабаларымыздың жанкешті ерлігінің арқасында бүгінгідей бейбіт күн кешіп жатырмыз. Ендеше осы күннің қадіріне жету үшін ардагерлерді ардақтауымыз игі іс. Мемлекет басшысы «Ардагерлер туралы» Заңға қол қойды. Онда ардагерлерге көрсетілетін көмек пен жеңілдіктер қалыптасқан. Осы Заң арқылы ардагерлеріміздің абыройы, беделі биіктемек.
Өскелең ұрпақ ата-баба ерлігін жадында ұстау үшін осы Заң жобасының қосар үлесі өте зор. Ардагерлер мәртебесін белгілеу жөніндегі Президент ұсынысы да орынды айтылған. Енді Ұлы Отан соғысы ардагерлерінің ғана емес, өзге жерлерде ұрыста болған Отан қорғаушылардың да мәртебесі биіктемек.
Мырзағали Айтжанов,
Бокстан Қазақстан ұлттық құрамасының аға бапкері.
