Мақтаарал ауданында топан су салдарын жою бағытында жүйелі жұмыс атқарылып жатыр. Осыған байланысты «Nur Оtan» партиясы Түркістан облыстық филиалы жанындағы Сыбайлас жемқорлыққа қарсы іс-қимыл жөніндегі Қоғамдық кеңестің төрағасы, Түркістан облысы маслиxатының депутаты Уәлиxан Раxиев бастаған арнайы топ Мырзакентте бой көтеріп жатқан жаңа шағынауданның құрылыс барысымен танысты. Топ құрамында Түркістан облысы мәслиxатының депутаты Алмас Салимов, «Nur Оtan» партиясы Түркістан облыстық филиалы төрағаның орынбасары Полат Тұрсынбаев болды.
Мырзакенттегі құрылыс жоспарға сәйкес, жоғары деңгейде жүргізіліп жатыр. Үйлер толық инфрақұрылыммен – электр жүйесі, кәріз, су құбырларымен қамтылады. Топ мүшелері құрылысшылармен тілдесіп, жұмыстың сапалы атқарылуы бақылауда болатынын жеткізді. Сонымен бірге депутаттар эвакуациялық орталықтардағы тұрғындармен кездесіп, талап-тілектерін тыңдады. Орталық қоймада гуманитарлық көмектің сапалы жинақталып, тұрғындарға әділ бөлінуі бағытындағы іс-шараларды саралады.
Тұрғындар өздерін алаңдатқан мәселелерді қозғап, тиісті кеңестер алды. Мемлекет, тұтас халық тарапынан көрсетіліп жатқан қолдауға ризашылықтарын білдірді.
Мақтааралдағы топан су салдарын жою бағытындағы жұмыстар партияның бақылауында болады.
«Nur Otan» партиясы Түркістан облыстық филиалының баспасөз қызметі
ТҮРКІСТАН: САУРАНДА ҚОС НЫСАН АШЫЛДЫ
Тәуелсіздіктің 30 жылдығына орай Сауран ауданы, Қарашық ауылдық округінде «Жасмин» мектеп-балабақша кешені ашылды. 200 орындық мектеп-балабақшаның мектебінде бастауыш 2 сынып,...
