Бүгін «Nur Otan» партиясының Орталық аппараты, «Nur Otan» партиясы жанындағы Құқықтық кеңес, Заңнама және сот-құқықтық реформа комитеті, ҚР Парламенті Мәжілісінің Әлеуметтік-мәдени даму комитеті, ҚР Білім және ғылым министрлігінің ұйымдастыруымен «Nur Otan» партиясы жанындағы Құқықтық кеңестің бейне-байланыс негізіндегі отырысы өтті. Күн тәртібінде: «ҚР-ның Президенті Н. Ә. Назарбаевтың 2018 жылғы 5 қазандағы Жолдауында көтерген ҚР-ның жаңа заңнамасындағы педагогтің мәртебесі» атты мәселе талқыланды. Құқықтық кеңеске Түркістан облысынан «Nur Otan» партиясы Түркістан облыстық филиалы төрағасының бірінші орынбасары Б.Тәжібаев, Түркістан облысы әкімінің орынбасары Ж.Аманбаев, облыстық мәслихат депутаты У.Рахиев, облыстық мәслихат депутаты, «Икан» жалпы орта мектебінің директоры З. Чалданов, Түркістан облыстық Білім саласындағы бақылау департаменті басшысының м.а. Б.Мұхамеджанов, облыстық адами әлеуетті дамыту басқармасының басшысы Р.Жолаев, Қ.А.Яссауи атындығы ХҚТУ-нің профессоры Ә.Әбуов, №8 Н.Төреқұлов атындағы жалпы орта мектебінің директоры М.Тәукебаева және Қ.А.Яссауи атындығы ХҚТУ педагогика мамандығының студенттері қатысты.
Құқықтық кеңестің отырысын ҚР Парламенті Мәжілісінің Заңнама және сот-құқықтық реформа комитетінің төрағасы, «Nur Otan» партиясы жанындағы Құқықтық кеңес төрағасы, заң ғылымдарының докторы, профессор Н.Абдиров ашып, жүргізіп отырды. Алғашқы баяндаманы «Nur Otan» партиясы Төрағасының бірінші орынбасары Б.Байбек жасаса, екінші баяндаманы ҚР Білім және ғылым министрі А.Аймағанбетов жасап, Қазақстанның түкпір-түкпірінен қойылған сұрақтарға жауап берді. Сондай сұрақтардың бірін Түркістан қаласындағы № Ата Түрік жалпы орта мектебінің мұғалімі Әбжаппар Фарида қойды. Оның: «Сұрағым мектептегі тексеруге байланысты: қайта-қайта жүргізілетін тексерулер мұғалімнің жұмысына, оқу процесіне кедергі келтіреді. Жаңа заңда осыған тоқтау салатын жүйе бар ма? Артық тексерулерден қашан, қалай құтыламыз?» деген сұрағына Білім және ғылым министрі толыққанды жауап беріп, жаңа заңнамаға сәйкес заңсыз жүргізілген тексерушілерге айып салынатынын айтты.
«Nur Otan» партиясы жанындағы Құқықтық кеңестің отырысында өзекті мәселелер кеңінен талқыланды. «Nur Otan» партиясы Төрағасының бірінші орынбасары Б.Байбек партия тарапынан атқарылатын іс-шаралар мен Жолдауда көтерілген мәселелердің толық орындалуына партиялық бақылау жасалатынын айтты.
Отырысты «Nur Otan» партиясы жанындағы Құқықтық кеңес төрағасы Н. Абдиров қортындылады.
