Ғимараттың ашылу салтанатында облыс әкімінің орынбасары Ербол Садыр сөз сөйлеп, облыс басшысы Жансейіт Түймебаевтың ақын ағасына деген ыстық ықыласқа толы құттықтауын жеткізді. Иығына шапан жауып, сый-сияпат көрсетті.
Басқосуда Е.Садыр бұл шара Елбасымыздың «Болашаққа бағдар: рухани жаңғыру» бағдарламалық мақаласының негізінде «Туған жерге тағзым» бағыты аясында жүзеге асып жатқанын атап өтті.
Шығамашылық үйді белгілі меценат Серікжан Сейітжановтың демеушілігімен бой көтерген. Мұнан соң, әлем ақыны М.Шаханов сөз алып, өз өмірінен естеліктер айтты. Ақынның талантына бас иетін өнерпаздар туған күн иесінің жаңа өлеңдерін жатқа оқып, әндерін әуелете шырқады.
Әдебиет үйінде шығармашылықпен айналысатын жұмыс кабинеттері, кітапхана, демалыс және қонақ қабылдайтын бөлмелер заман талабына сай жабдықталған. Жиылған қонақтар ақынның «Отырар дастаны» шығармасы желісінде түсірілген анимациялық фильмді тамашалады.
