Ордабасы ауданының егін шаруашылығында биыл 58 200 гектарға ауылшаруашылық дақылдары егіліп, нәтижесінде 71 700 тонна көкөніс, 50 755 тонна бақша, 9500 тонна картоп, 52 901 тонна дәндік дақылдар, 5 510 тонна майлы дақылдар, 18 697 тонна мақта, 5 545 тонна жеміс- жидек өнімдері толықтай жинап алынды, деп хабарлайды ALASHAQPARAT.KZ Ордабасы ауданы әкімінің баспасөз қызметіне сілтеме жасап.
Жаңадан қосылатын суармалы жерлердің көлемі 1423 гектарға ұлғайтылып, жоспар (1000 га) 142 пайызға;
721,02 гектарға тамшылатып суару әдісі енгізіліп, меже (700 га) 103 пайызға орындалды. 14,39 гектар жылыжай іске қосылды.
Терең қопсыту әдісін қолдану бағытында – 9500 га жерді өңдеу жоспарланып, бұл бағытта 11 соқа алынып, 9807 га жерге терең қопсыту әдісі ендірілді.
Аудан көлемінде 63 бірлік жаңа заманауи өндірістік ауыл шаруашылығы техникалары алынып, жоспар 100 пайызға орындалды.
Егін шаруашылығы өндірісі жалпы өнімінің көлемі 10 млрд. 698 млн. 500 мың теңгені құрады.
