ТАЛИБ ЖҰМАНОВ – философия ғылымдарының кандидаты, доцент:

Бұл заң жобасы-қазіргі қоғамның үнін естіп, көпшіліктің көкейіндігіні білуге, сол арқылы барлық саладағы қордаланған мәселелерді шешуге таптырмас мүмкіндік тудырып отыр.  Әрі халықаралық тәжірибеге сүйеніп жасалған бұл заң жобасының “Естуші мемлекет” қағидасының жүзеге асуына жол ашары сөзсіз. Ашық ойын айтуға, қоғамның қарқынды дамуы жолында пікірін білдіру үшін енді қоғам белсенділері тек ескерту жасау арқылы ғана арнайы белгіленген орындарда жинала алады. Ол үшін әр аймақта арнайы орындар белгіленіп, дайындалған. Бұл – қоғам мен биліктің арасын жақындатуға бағытталған ең оңтайлы шешім деп білемін. Демократия принциптері, адам құқықтары қазіргі стандарттарына да бұл шешім сай келеді. Осы саладағы Халықаралық ұйымдардың да талабы сол. Әлемдегі абыройымыз да арта түседі.