Ағымдағы жылғы 1 маусым күні Сауран ауданы, Ескі Иқан ауылының тұрғындарымен «Ақпараттық сауаттылық-өзіңді алдауға жол берме!», «Шиеленістердің қоғамға кері әсері», «Жазаның бұлтартпастығы» тақырыптарда кездесу болып өтті.
Кездесуді Сауран ауданы әкімдігінің ішкі саясат бөлімінің сектор меңгерушісі
Қалеке Марат ашып, жүргізіп отырды.
Кездесуде Түркістан облысы қоғамдық даму басқармасы «Қоғамдық келісім» КММ-нің Этносаралық қатынастар саласы мониторингі және ақпараттық-насихаттық жұмыстарды ұйымдастыру бөлімінің басшысы Х.Исақов этносаралық татулықты нығайту бағытындағы ақпараттар жайында сөз қозғап, (әлеуметтік, нәсілдік, ұлттық, діни, рулық араздықты) қоздыруға бой алдырып оны БАҚ-та пайдаланған азаматтар ҚР Қылмыстық кодекстің 174-бабы бойынша жазаланатындығын жеткізіп кеңінен талқылау жұмыстарын жүргізді.
Сонымен қатар, Түркістан облысы дін істері басқармасы “Дін мәселелерін зерттеу орталығы” КММ-нің теолог маманы Ж.Жорабек діни ақпараттарды сүзгісіз қабылдау және оны жариялаудағы кейбір мәселелері жөнінде түсіндіріп өтті. Соңында сұрақ-жауаптарға кезектер беріліп тиісті деңгейде пікір алмасты.
Кездесу соңында Сауран ауданы әкімдігінің ішкі саясат бөлімінің сектор меңгерушісі М.Қалеке қатысушыларға алғысын білдіріп, кездесуді қорытындылады.
