Сауран ауданы әкімдігінің ұйымдастыруымен 23 маусым – Мемлекеттік қызметшілер күніне орай мерекелік кеш өтті. Елдікті аңсаған Ақтамбердінің жырымен, қасиетті қобыздың үнімен басталған шараға ауданның мемлекеттік қызметшілері қатысты. Сауран ауданының әкімі Ғани Рысбеков қызметшілерді кәсіби мерекесімен құттықтап, ақ тілегін білдірді.
«Ұлт көсемі Әлихан Бөкейхановтың «Ұлтқа қызмет ету мінезден» деген ұлағатты сөзі бар. Елге қызмет ету рухты мінезді, көркем мінезді, елдік мінезді, ар-ожданның тазалығын қажет етеді. Мұндай мінез үкімет пен халық арасындағы айнымас сенімді қалыптастырады. Мемлекет саясатын жүзеге асырып, халыққа қызмет ететін мемлекеттік қызметшілердің мойынында үлкен жауапкершілік пен ауыр жүк бар. Ол – елдің сенімі мен халықтың үміті», – деді аудан әкімі Ғ. Рысбеков. Сонымен қатар аудандық мәслихат хатшысы Мейрамбек Күнпейісов пен аудандық ардагерлер кеңесінің төрағасы Сейілхан Ахметов те аудандағы мемлекеттік қызметшілерді мерекесімен құттықтап, қызмет жолына сәттілік пен шығармашылық табыс тіледі.Мерекелік кеште ауданның мемлекеттік қызметшілері Мемлекет басшысы Қасым-Жомарт Кемелұлы Тоқаевтың, облыс әкімі Өмірзақ Естайұлы Шөкеевтің, аудан әкімі Ғани Құрмашұлы Рысбековтың арнайы алғыс хаттарымен марапатталды.
Сонымен қатар мемлекеттік қызметке қадам басқан жас қызметшілер ант қабылдады
