Сауран аудан әкімдігінің мәжіліс залында аудан әкімінің орынбасары Серік Садибаевтың төрағалығымен кәмелетке толмағандардың істері және олардың құқықтарын қорғау жөніндегі комиссияның кезекті жиналысы болып өтті.
Күн тәртібінде 3 мәселе қаралды. Атап айтсақ, жазғы шомылу маусымында келеңсіз оқиғаларды алдын алу бойынша атқарылатын жұмыстардың барысы, 2023 жылы балалардың жазғы сауықтыру лагерьлерін ұйымдастыру жұмыстары, жазғы мезгілде жасөспірімдердің түнгі уақытта беймезгіл ойын сауық мекемелері мен тойханаларда жүруіне тосқауыл қою, алдын алу жұмастары қаралды.
Күн тәртібіндегі мәселе бойынша аудандық төтенше жағдайлар бөлімінің бас маманы Нұртас Қасым баяндама жасады. Нұртас Мұратұлының мәлімдеуінше Сауран ауданы төтенше жағдайлар бөлімі аудан әкімдігімен және басқа құзырлы мекемелермен бірлесе отырып, су айдындарында төтенше жағдайдың алдын алу мақсатында арнайы іс-шара жоспары түзелген.
Бөлім тарапынан жыл басынан бері 39 рейдтік жұмыстар, 23-радиодан сөйлеу, 2 – лед экран, «Судағы қауіпсіздік» тақырыбы бойынша әлеуметтік желілерде 4 – бейнеролик орналастырылса, 1000-ға тарта – үгіт-насихат материалдары таратылған. Сонымен қатар, 43 – интерактивті сабақ, басылымда – 2 мақала жарияланып, 15 дана тиым салу белгілері орнатылған. Бұдан бөлек, 630 үй араланып, 3100 адамға түсіндірме жұмыстары жүргізілгенін атап өтті.
Сонымен қатар, күн тәртібіндегі мәселелер бойынша аудандық адами әлеуетті дамыту бөлімінің бас маманы Мейіржан Әділбеков хабарлап өтті. Жиында күн тәртібінде қаралған мәселелер бойынша аудан әкімінің орынбасары Серік Садибаев комиссия мүшелеріне тисті тапсырма беріп, орындалуын бақылауда ұстау керектігін ескертті.
