Түркістан облысының жолаушылар көлігі және автомобиль жолдары басқармасының тапсырысымен мердігер мекеме «АлемТрансЖол» ЖШС-гі тарапынан Төлеби ауданындағы облыстық маңызы бар КХ-82 «Шымкент-Қасқасу-Көксәйек-Шымкент» автомобиль жолының 36 шақырымына орташа жөндеу жұмыстары жүргізілуде.
Аталған жолдың жөндеу жұмыстары Шымкент қаласының шекарасынан басталып Шомшақты, Зертас, Көксәйек, Қазақстан, Тасарық, Қасқасу, Ұзынарық, Диханкөл елді мекендерін қамтитын болады.
Нысанның жөндеу жұмыстары 2022 жылы басталған. Сметалық құжаттамаға сәйкес, елді мекендерді толығымен аяқжолмен қамту қарастырылған. 2022 жылы бөлінген қаржыға 6 шақырым аяқжол салынып, жолдың 2 шақырымына асфальт жабындысы төселді.
Ағымдағы жылы жұмыс-өндірістік кестеге сәйкес, аяқжол салу және жарықтандыру шамдарын орнату жұмыстары жалғасады. Сондай-ақ, жолдың біршама учаскісінде ескі асфальт қабатын фрезалау, жарамсыз жол учаскілерінде асфальт жабынын бұзып (киркование) жол негізін қайта қалпына келтіру және екі қабат асфальт жабынын салу жұмыстары атқарылатын болады. Қазіргі таңда, ауа-райының қолайлы болуына байланысты, аяқжол салу және жарықтандыру шамдарын орнату жұмыстары іске асырылуда.
ШАРДАРА: АУДАН ӘКІМІ ТЫЛ АРДАГЕРЛЕРІН ҚҰТТЫҚТАДЫ
Бүгін Шардара ауданының әкімі А.Қарсыбаев Ұлы Отан соғысындағы Жеңістің 80 жылдығына орай тыл ардагерлерін арнайы құттықтады. Аудан басшысы тыл ардагерлері...
